गरोदरपणात गोड लिंबाच्या रसाचे काय फायदे आहेत?

प्रेग्नेंसीतील मळमळ व उलटी रोखण्यासाठी लिंबू सरबत पीत आहात? मग जाणून घ्या हे सुरक्षित आहे की नाही?

गर्भावस्थेच्या पहिल्या तिमाहीत खास करुन मॉर्निंग सिकनेस, मळमळ व उलटी अशा समस्या हमखास निर्माण होतात. या समस्या कमी करण्यासाठी लिंबू किंवा लिंबू सरबताचे सेवन करण्याचा सल्ला दिला जातो. वरील समस्यांवर लिंबू सरबत खूपच असरदार उपाय मानला जातो. पण प्रेग्नेंसी मध्ये लिंबू सरबत पिण्याआधी महिलांनी हे जाणून घेणं अत्यंत गरजेचं आहे की ते आरोग्यासाठी सुरक्षित आहे की नाही?
 
प्रेग्नेंसीतील मळमळ व उलटी रोखण्यासाठी लिंबू सरबत पीत आहात? मग जाणून घ्या हे सुरक्षित आहे की नाही?
लिंबू सरबत (lemon juice) प्यायल्यामुळे रिफ्रेश तर वाटतंच शिवाय शरीराला एक तरतरी किंवा एनर्जी (energy drink) लाभते. लिंबू सरबत प्यायल्यामुळे पोटाशी निगडीत अनेक समस्या दूर होतात. प्रेग्नेंसीच्या पहिल्या तीन महिन्यांत मळमळ (Nausea), उलटी (Vomiting) व मॉर्निंग सिकनेसची (morning sickness) समस्या हमखास डोकं वर काढते. पण या समस्या लिंबू सरबताचे सेवन करुन सहज दूर केल्या जाऊ शकतात. लिंबू मध्ये कॅल्शियम, मॅग्नेशियम, व्हिटॅमिन बी ६, नियासिन, फोलेट, व्हिटॅमिन सी व राइबोफ्लेविन सारखे खनिज पदार्थ आणि व्हिटॅमिन उच्च प्रमाणाच आढळते.

लिंबू सरबतात सर्व पोषक तत्व असतात त्यामुळे गर्भवती स्त्रीयांना लिंबू सरबत पिण्याचा सल्ला दिला जातो. आहारामध्ये वेगवेगळ्या पद्धतीने लिंबूचा समावेश केला जातो. आकाराने छोट्या असलेल्या लिंबूमध्ये (Lemon Benefits) औषधी गुणधर्मांचा साठा आहे. प्रेग्नेंसी मध्ये नैसर्गिक स्वरुपात शरीर डिटॉक्स करण्यासाठी तज्ज्ञ मंडळी लिंबू पाणी पिण्याचा सल्ला देतात. पोटाशी संबंधित समस्या उद्भवल्यानंतर नैसर्गिक उपाय म्हणून काळे मीठ, जिरे पावडर आणि लिंबू रस मिक्स करून चाटण तयार करून दिलं जातं. आरोग्यासाठी पोषक असणाऱ्या घटकांचा लिंबूमध्ये समावेश आहे. प्रेग्नेंट महिला खिचडीवर लिंबू पिळून त्याचा आस्वाद घेऊ शकतात.

लिंबातील पोषक तत्व
एक कप लिंबाच्या रसात जवळ जवळ ०.७ ग्रॅम डायट्री फायबर, ६.२ ग्रॅम शुगर, ०.९ ग्रॅम प्रोटीन, ५४ कॅलरीज, १६ ग्रॅम कार्बोहायड्रेट आणि ०.६ ग्रॅम फॅटचा समावेश असतो. लिंबू हे व्हिटॅमिन सी, फोलेट व पोटॅशियमचा उत्तम स्त्रोत आहे. वरील सर्व पोषक तत्व प्रेग्नेंसी मध्ये अत्यंत आवश्यक असतात. लिंबूच्या रसात आयरन, कॅल्शियम, मॅग्नेशियम, झिंक, थायमिन, फॉस्फरस, रायबोफ्लेविन व पेण्टोथेनिक अॅसिड सारखे खनिज पदार्थ आढळतात. यामध्ये व्हिटॅमिन ए, बी ६ व ई चा देखील समावेश असतो.

प्रेग्नेंसीमध्ये लिंबू पाणी किती सुरक्षित आहे?
प्रेग्नेंसीच्या काळात महिलांना आपल्या आरोग्याची विशेष काळजी घेण्यास सांगितले जाते. लिंबू पाणी पिणं तसं तर आरोग्यदायी असतं. त्यामुळे दिवसातून ब-याचदा तुम्ही लिंबू पाणी पिऊ शकता. पण गरजेपेक्षा जास्त लिंबू पाणी पिणं कटाक्षाने टाळावं. लिंबू पाण्यात असलेले पोषक तत्व गर्भावस्थेत अत्यंत गरजेचे असतात. लिंबाच्या रसात आयरन, कॅल्शियम, मॅग्नेशियम, झिंक, थायमिन, फॉस्फरस, राइबोफ्लेविन पेण्टोथेनिक अॅसिड सारखे खनिज पदार्थ आढळतात. त्यामुळे गर्भावस्थेत मर्यादीत लिंबू पाण्याचे सेवन करणे सुरक्षित असते.


गर्भावस्थेत लिंबू रसाचे फायदे
गर्भावस्थे मध्ये तुम्ही जर मर्यादीत प्रमाणात लिंबू रसाचे सेवन केले तर त्याचे शरीराला व आरोग्याला अनेक लाभ मिळू शकतात. जसं की

मॉर्निंग सिकनेस दूर करतं - गर्भावस्थेच्या पहिल्या तिमाहीत हमखास महिलांना मळमळ व मॉर्निंग सिकनेसची समस्या उद्भवते. लिंबू रसाचे सेवन केल्यास या समस्यांपासून मुक्ती मिळू शकते. लिंबू पचनाशी निगडीत समस्या दूर करण्यास देखील मदत करते.
ब्लड प्रेशर कंट्रोल - लिंबू रसात भरपूर प्रकारचे व्हिटॅमिन्स आढळतात. जे शरीरातील रक्त प्रवाह सुरुळीत करण्यास मदत करतात. लिंबू रसाच्या सेवनाने ब्लड प्रेशर कंट्रोलमध्ये राहतो.
बद्धकोष्ठतेपासून सुटका - गर्भावस्थे मध्ये बद्धकोष्ठतेची समस्या हमखास निर्माण होते. त्यामुळे रोज सकाळी लिंबू रसाचे सेवन केल्यास बद्धकोष्ठतेच्या समस्येपासून बचाव होतो.
अपचनापासून आराम - लिंबू पाणी पिऊन अपचनाची समस्या देखील दूर करता येऊ शकते. लिंबू व्हिटॅमिन सी चा सर्वोच्च स्त्रोत आहे. लिंबू सरबत प्यायल्याने ताप, सर्दी असा संक्रमणांपासून बचाव केला जाऊ शकतो. व्हायरस व बॅक्टेरियापासून देखील यामुळे दूर राहता येते.

तोंडाला कोरडं पडण्याची समस्या
शरीरामध्ये पाण्याची कमतरता निर्माण झाल्यास म्हणजेच डिहायड्रेशन झाल्यास तोंड वारंवार कोरडे होण्याची समस्या प्रेग्नेंसी मध्ये उद्भवते. यामुळे सतत तहान लागणे आणि लघवीला होणे, यासारख्या त्रासाचाही सामना करावा लागतो. या समस्यांवर नैसर्गिक उपाय म्हणजे लिंबू. डॉक्टरांचा सल्ला घेऊन तुम्ही फळे, भाज्या इत्यादी खाद्यपदार्थांमध्ये लिंबू पिळून त्याचे सेवन करू शकता. आहारतज्ज्ञांचा सल्ला घेऊनच सकाळच्या सुमारास लिंबू पाणी प्यावे. मोड आलेल्या कडधान्यांमध्येही तुम्ही लिंबू रस मिक्स करू शकता. यामुळे डिहायड्रेशन आणि तोंड कोरडे होण्याची समस्या दूर होण्यास मदत मिळेल.

मुत्र मार्गातील संक्रमण रोखण्यास व तणाव कमी करण्यास
लिंबू रसात मुत्रवर्धक गुणधर्म आढळतात जे किडणीचे आरोग्य निरोगी ठेवण्यास व सामान्य रुपात कार्य करण्यास मदत करतात. लिंबू रसाच्या सेवनामुळे मुत्र मार्गातील संक्रमण रोखण्यास मदत होते. तसंच प्रेग्नेंसी व प्रसुती ही एक तणावपूर्ण व वेदनादायी प्रक्रिया असते. मध व लिंबू पाण्याचे एकत्रित सेवन केल्यास प्रेग्नेंसी दरम्यान येणारा ताण कमी होतो. पण हे लक्षात ठेवा की गर्भावस्थेच्या पाचव्या महिन्यापर्यंत पाण्यात मध टाकू नये कारण मिसकॅरेजचा धोका बळावतो. फक्त लिंबाचा रस पाण्यात मिसळून प्यावा. पण तरीही तुम्हाला मनात कोणतीही शंका असल्यास स्त्रीरोग विशेतज्ञांचा सल्ला आवश्यक घ्या.